6 мамыр күні оқушылар сарайында Ұлы Жеңістің 70 жылдығына орай қала мектептері арасында ұйымдастырылған «Ерліктің мәңгілік алауы» атты қалалық сахналандырылған әскери-патриоттық әндер байқауы өтті. Байқауға гимназияның 10Б сыныбының ұлдары «Военные корреспонденты» әнін әсерлі орындап, сол сұрапыл соғыс уақытындағы оқиғаны қайта жаңғыртқандай болды. Әннің мазмұнына байланысты көрсетілген бейнефильм де сол кезеңдегі оқиғаны елестетті. Осы концерттік бағдарламаға қонақ болып шақырылған соғыс ардагерлері байқауға қатысқан оқушыларға алғыстарын білдіріп, баталарын берді. Барлық байқауға белсенді қатысқан оқушылар қалалық білім және ғылым қызметкерлерінің кәсіподақ ұйымы комитетінің төрайымы А.Айтжанованың, қалалық білім бөлімінің басшысы Г.Агдарбекованың арнайы дипломымен марапатталды.